Skjenelangs med Markus — bloggen Praktiske, detaljerte togguidar ut av Noreg. Ein rute om gongen. 2026-05-12T00:00:00.000Z https://skjenelangs.no/ Markus Maarnes-Gjærde markus@skjenelangs.no Snälltåget gjorde ikkje det eg trudde 2026-05-12T00:00:00.000Z https://skjenelangs.no/bloggen/notat/snalltaget/ Nattoget mellom Stockholm og Berlin er populært igjen, men ikkje av grunnane folk seier. Eit par observasjonar etter tre turar i vinter. Eg tok Snälltåget tre gonger i januar og februar. Same rute kvar gong: Stockholm Central kl. 16.52, fram til Berlin Hauptbahnhof neste morgon kl. 09.05. Liggjevogn med fire køyer, ein gong med seks. Ingen sove­vogn ledig nokon av gongene.

Det folk seier om Snälltåget — at det er romantisk, at det er ein flukt, at det er ein måte å reisa langsamt på — er ikkje feil. Men det er heller ikkje det som slo meg. Det som slo meg, var korleis ein gjenkjenner dei andre passasjerane neste morgon ved kaffi­automaten på Hbf. Dei same andleta. Same sliten kropps­haldning. Ein liten klubb som ikkje veit at han er ein klubb.

Toget kjem som regel for seint. Mellom 20 og 90 minutt, viste det seg. Det er greitt om du har bygd inn rom i planen. Det er ikkje greitt om du har eit møte kl. 11.

Ein praktisk merknad: Vatnet ombord er ikkje drikkevatn. Ta med flaske. Kaffien ved frukosten i restaurant­vogna er overraskande god, men køen er lang etter Rostock.

]]> Vindaugsplass på SJ3000 2026-04-29T00:00:00.000Z https://skjenelangs.no/bloggen/notat/vindaugsplass/ Side A eller side B? Det er ikkje eit smaksspørsmål. På strekket Göteborg–Malmö går SJ3000 langs vestkysten. Halland glir forbi. Du vil ha sjøsida.

Det vil seia: når du sit i fartsretninga sør, er sjøen på høgre hand. Plassane med oddetalsnummer (1, 3, 5 …) ligg på venstre, partalsnummer på høgre. Vel difor partals­plass.

På returen nordover, snu det. Eller berre be konduktøren snu setet — det er som regel mogleg.

]]> Korleis bestilla Interrail i 2026 2026-04-14T00:00:00.000Z https://skjenelangs.no/bloggen/notat/interrail-2026/ Reglane endra seg i januar. Ikkje dramatisk, men nok til at gamle blogginnlegg lyg. Interrail-passet har framleis dei same flexi-alternativa: 4, 5, 7, 10 eller 15 reisedagar innan ein periode på éin eller to månader. Det nye er at sete­reservasjon på SJ no krevjast også på SJ3000-avgangane i lågsesong, ikkje berre høgsesong.

Praktisk konsekvens: budsjettér med ekstra 65 NOK per legg du må reservera. Det er ikkje mykje, men det kjem oppå.

]]> Tre timar i Göteborg 2026-04-02T00:00:00.000Z https://skjenelangs.no/bloggen/notat/goteborg-tre-timar/ Du har eit byte. Stasjonen er fin, men kva gjer du om du har tre timar? Tre timar i Göteborg er nok til kaffi og ein liten tur, ikkje meir. Ikkje prøv å koma til Liseberg.

Eg går som regel ut sørsida av stasjonen, langs Drottningtorget, ned mot Brunnsparken. Da Matteo gjer god kaffi. Vidare langs kanalen til Stora Saluhallen om eg er svolten.

Tilbake på stasjonen 25 minutt før avgang. Aldri 15. Spor­endringar er hyppige her.

]]> Direkterute Oslo–København? 2026-03-21T00:00:00.000Z https://skjenelangs.no/bloggen/notat/oslo-kbh-direkte/ Jernbanedirektoratet har bestilt utgreiing om direkte­tog. Det er noko, men ikkje mykje. Utgreiinga skal vera ferdig hausten 2027. Forventa reisetid: 7 timar 40 minutt med éitt stopp i Göteborg. Det er ikkje raskare enn dagens samansette rute, men det er ein vogn mindre å bytte.

Det realistiske scenarioet er drift frå 2030. Det optimistiske er 2028. Eg satsar pengar på det fyrste.

]]> Tysk vinter, dansk vår 2026-03-08T00:00:00.000Z https://skjenelangs.no/bloggen/notat/tysk-vinter/ Rutene endrar karakter med årstidene. Eit kortfatta oversyn. Eit togvindauge er ikkje nøytralt utstyr. Det rammar landskapet inn på ein bestemt måte, og landskapet endrar seg meir frå månad til månad enn vi som reiser av og til vil tru.

Sør-Sverige i mai er ein ting. Same strekninga i november er ein anna. Tyskland gjennom regn — alt sør for Hamburg — har sin eigen poesi som ikkje fungerer i sol.

]]>